रतुवामाई नगरपालिकाको आधिकारिक वेबसाइटमा तपाईलाई हार्दिक स्वागत छ|

 

 

"पर्यटन, कृषि, व्यवसायिकता रतुवामाई नगरपालिकाकाे अाधार स्वाभिमान समृद्धि र समानताको लागि स्थानीय सरकार"

रतुवामाई नगरपालिकाको संक्षिप्त परिचय :

 

नामकरण:

             रतुवामाई नगरपालिकाको नामकरण यस नगरपालिकाको पूर्वतिर पर्ने रतुवा खोलाका नामका अाधारमा रहेको हो । मोरंगको सिमानाका रुपमा रतुवा खोलालाई अघि रत्नमातृका भनिन्थ्यो । पछि यसैको अपभ्रंश भई रतुवा भन्न लागिएको हो । तसर्थ यस नगरपालिकाको नाम पनि रतुवामाई रहन गएको हो । यहाँ रत्नलाई रतुवा र भनियो भने माईलाई भने आमाका रुपमा यथावत राखेर रतुवामाई बनाइएकोहो । रत्नमातृका नदी एतिहासिक कालमा निकै प्रख्यात थियो, किनकि यसको किनारी भागमा  थुप्रै वस्तिहरु थिए । बुद्ध, अशोक र व्होनसंग नामक यात्रीहरुले यस क्षेत्र अतिनै महत्वपूर्ण छ। यस नगरपालिकाको पश्चिमतिर भने बक्राहा समावेश गरिएका छन् भने वरडंगा र गोविन्दपुरका केहि वडाहरु पनि यसमा समाविष्ट छन् ।

           नेपालमा ७४४ स्थानीय तह लागू हुँदा मोरङ जिल्लामा साविकका इटहरामहादेवाझुर्कियागोविन्दपुर को (१,३,४,७) वडाहरू, वरडंगा को (१,४,५,७) वडाहरू र सिजुवा गाउँ विकास समितिहरूलाई समेटेर २०७३ साल फाल्गुन २७ गते बनेको रतुवामाई नगरपालिका १० वडामा विभाजन गरिएको छ ।वि.सं. २०६८ सालको जनगणना अनुसार यस नगरपालिकाको कूल जनसंख्या ५५,३८० रहेको छ, जसमा महिला २९०४३ जना र पुरुष २६३३७ जना छन्। यसको क्षेत्रफल १४२.१५ वर्गकिलोमिटर रहेको छ । यस नगरपालिकाको केन्द्र साविकको सिजुवाको कार्यालयमा राखिएको छ ।

सिमाना :

रतुवामाई नगरपालिका मोरंगको दक्षिणपूर्वी  सिमानामा पर्दछ । यस नगरपालिकाको  सिमाना दक्षिणतिर भारतको बिहार प्रान्त, पूर्वमा रतुवाखोला , पश्चिममा सुन्वार्षी र पथरी शनिश्चरे नगरपालिका तथा उत्तरमा उर्लाबारी नगरपालिका पर्दछन् यसको पूर्वतिर भने रतुवा खोलाले झापा जिल्लाबाट छुट्याएको छ । यस नगरपालिकाको सम्पूर्ण भूभाग सम्म तराई भागमा पर्दछ । यसको भू-उपयोगको अवस्थामा अधिकांश भूभाग खेती योग्य समतल जमिनले ढाकेको छ ।